ضع القلم ... واقلب الصفحة

ما أن استلم أ الطلاب ورقة الامتحان وقرأوا السؤال الأول : اذكر بالتفصيل تاريخ انتصارات العرب
حتى انفرجت أساريهم وشمر كل عن ساعده وهم فرحين فقد بصموا انتصارات العرب عن ظهر قلب ليس من كتب التاريخ فحسب بل من الرواة والحكواتية و أب عن جد .
كان ذلك صبيحة الخامس من حزيران عام 1967 وبينما هم مستغرقون باسهاب في الأجابة حتى دخل فراش المردسة
وهمس في أذن المعلم " استاذ بيقوللك المدير ترا احنا انهزمنا " فانهار المعلم وجلس وقد امتقع لون وجهه ثم تمالك نفسه وسأل الطلاب : لوين وصلتوا يا شباب
فرد عليه أحدهم : استاذ خلصنا اليرموك وخاشين على حطين
المعلم: يعطيكم العافية ، طبعا عم تكتبو بأقلام حبر جاف
طالب: هيك انتو طلبتو منا استاذ
المعلم : طيب بدي اياكم ترجعو تكتبو باقلام رصاص وراح أزود الوقت عشان تقدروا تعيدو كل اللي كتبتوه
طالب : ليش استاذ مش التاريخ لازم ينكتب بخط يعمر لفترة طويلة
المعلم : هسا يا أبني لا تناقش ونفذ اللي بقولو الله يرضى عليك مش ناقص فلسفة ، ارجعو اكتبو بقلم رصاص
وفعلا امتثل الطلاب لأمر معلمهم وأجابو على السؤال عن تاريخ انتصارات العرب كتابة بقلم رصاص ولما انتهوا
جمع المعلم أوراق الآمتحان وقال لهم : انتظروني ستة دقائق لأصلح الأوراق وأقرأ عليكم علامة كل منكم
فدهش الطلاب ولم يصدقوا ما سمعوه اذا اعتادوا الحصول على نتائج امتحاناتهم في اليوم الثاني على أقل تقدير .

صبيحة اليوم الثاني السادس من حزيران 1967 دخل المعلم على الفصل يحمل أوراق الامتحان
نظر كل منهم على ورقته لكي يعرف علامته فلم يجدوا علامة ادرجت ولا حتى اشارة "صح" فزادت دهشتهم
وقال أحدم : استاذ مش شايفين علامات
المعلم : بدي كل واحد منكم يمسح اللي كتبه بالممحاة
طالب : شو استاذ قررت تلغي الامتحان والا بدك تغير السؤال
المعلم : لا ما بدي الغي الامتحان ولا بدي أغير السؤال كل شي بيظل على حاله اسمعوا الكلام وامسحو اللي كتبتوه
وامتثل الطلاب ثانية لطلب معلمهم ولما انتهوا قال لهم : يا الله اجمعوا لي هالأوراق عشان أصلحها وانطيكم علاماتكم
طالب : بس يا استاذ ماكتبنا ولا حرف عن التاريخ هيك راح ناخذ صفر
المعلم : ولك يا حمار التاريخ اللي ما بنكتب بالدم حلال مسحه ومن يوم وطالع مافي حصة تاريخ على الاطلاق وحصة التاريخ راح أقلبها لعبة أولك يا اسكندراني (الغميضة )عشرين بيطخوا وواحد بينط من فوق ظهورهم .صدقوني ما ظل فيها تاريخ .
الطلاب : هيــــــــه هيــــه يعيش الاستاذ منتصر زغردوة يا شباب من يوم وطالع مافيش ضع القلم
المعلم لأ يا غجــــــر مافيش ضع القلم بس في اقلـــــب الصفحــــــة .

واقبلوا فائق احترامي

ماجدة نصر